Провинцискиот гувернер на источна Јава, подрачје во кое живеат над 40 милиони жители на 250 милионската Индонезија, соопшти дека и покрај тоа што ја нема поддршката од централната власт, ќе ги затвори и последните 15 јавни куќи.
Минатата година во овој регион беа затворени 32 регистрирани бордели. Голема прашина се крена околу затворањето на најголемата јавна куќа „Беби дол’’ во Сурабаја, која беше и најголем ваков објект во југоисточна Азија. Сопствениците ја обвинија локалната власт дека со затворањето на нивниот “црвен дистрикт’’ сака да го обезвредни земјиштето на кое планира да изгради голем трговски комплекс.
Според гувернерот на провинцијата Источна Јава, пред затварањето на јавните куќи професионалните проститутки ќе мора да посетуваат курсеви за обука со некој занает, што ќе им овозможи да заработуваат средства за живот.