Добитникот на Нобеловата награда за економија, Пол Кругман смета дека главни виновници за кризата во еврозоната се Германија и поголемиот дел од европската елита, а не Грција.
– Зошто Европа е во оваа тешка ситуација?, прашува Кругман во напис за весникот „Њуорк тајмс“, посочувајќи дека најголем виновник е Германија.
– Лошата состојба во срцето на Европа не доаѓа од Грција, Италија или Франција, туку од Германија, истакна Кругман, ставајќи акцент на политиката на Берлин.
Американскиот професор смета и дека за кризата во еврозоната е виновна не само Германија, туку и поголемиот дел од европската елита.