Полицијата во Сент Луис во Америка, уапси двајца малолетници, а во потрага е по уште две осомничени лица, поради убиство на еден Босанец.
Според соопштението на полицијата 32-годишниот Земир Бегиќ бил во својот автомобил кога неколку млади лица со чекани започнале да удираат возилото, а потоа и него го нападнале.
Во моментот кога бил однесен во болницата лекарите само ја констатирале смртта. Синоќа околу 50 лица во знак на протест поради убиството на Бегиќ кој во Сент Луис се доселил оваа година, блокираа една крстосница.
Локалниот весник „Пост Диспечер“ пренесе дека шефот на полицијата во Сент Луис разговарал со жителите во тек на протестот и им текол дека според нив убиството не е мотивирано од расна или етничка нетрпеливост.
Е. Г.