Меркел: Признавањето палестинска држава не е правилниот пат

Од:

Германскиот канцелар Ангела Меркел истакна дека Германија е против признавањето палестинска држава, откако пратеници од неколку европски држави го поддржааа ваквиот чекор, пренесоа американските медиуми.

Новата шведска Влада на 30 октомври официјално ја призна палестинската
држава. Неделава и Парламентот на Шпанија одобри необврзувачка резолуција, која, исто така, ја признава палестинската држава, по сличните постапки на Велика Британија и Ирска.

Германија, меѓутоа, земјата која е најблискиот европски сојузник на Израел, соопшти дека нема да го следи овој чекор.

Меркел денеска во Берлин изјави дека нејзината Влада го поддржува решавањето на израелско-палестинскиот конфликт преку формирање две држави, но „ние гледаме колку е тоа тешко и сметаме дека едностраното
признавање палестинска држава нема да ни помогне да одиме напред кон таа цел“.

– Подобро е нашите напори да ги фокусираме врз заживувањето на израелско-палестинскиот дијалог, иако во сегашните услови и тоа изгледа многу тешко, рече Меркел.

Би можело да ве интересира

Неколкумина навивачи се ранети во инцидент во Германија, полицијата го застрела напаѓачот

Горан Наумовски

Ројтерс: Германија ја спречи ЕУ да се договори за нов пакет санкции против Русија

Мистерија во Германија: Морничава сцена на игралиште, пронајден крвав фустан на девојче

Предраг Петровиќ

Тројца мажи и жена мачеле девојката со часови, ја врзале и ја фрлиле во река во Долна Саксонија

Горан Наумовски

Синот го запалил татко му додека спиел, па се забарикадирал во станот во Хамбург

Српски државјанин крвнички убиен од својот цимер додека бил на привремена работа во Бремен