Македонскиот репрезентативен голман и капитен Томе Пачовскија прими УЕФА Б Диплома, откако со успех го заврши курсот за тренери.
На собиорт на репрезентацијата за натпреварот против Словачка, Пачовски официјално ја доби УЕФА Б дипломата врачена од претседателот на Фудбалската федерација на Македонија Илчо Ѓорѓиоски.
Со ова Пачовски покажува дека размислува за иднината и дека негова определба повторно е фудбалот.
– Се определив за тренерска работа од многу едноставна причина. Јас тоа го знам и го разбирам и се надевам дека по завршувањето на играчката кариера ќе покожам и дека можам да бидам добар тренер. Планирам да почнам да работам со млади категории а посебно со голмани. Знам дека следи семинар за тренери на голмани и моја определба е да ги следам сите трендови во тренерската работа за да можам да бидем во тек со сите новости. Се заблагодарувам на ФФМ и луѓето во Центар за Едукација на тренери со кои го поминав првото ниво на тренерска едукација, изјави Пачовски.