Екипата на Металац од Ваљево е следниот противник на македонскиот кошаркарски шампион МЗТ Скопје Аеродром во регионалната АБА лига.
Во таборот на српскиот претставник владее оптимистичко расположение и верба во продолжување на победничката серија.
Тренерот на Металац на прес-конференцијата посветена на овој меч изрази уверување дека во Скопје можат да постигнат позитивен резултат.
– По двете победи во низа расположението во екипата е многу подобрено. Ќе продолжиме со напорна работа. Се подготвуваме за средбата со МЗТ Скопје. Тие се квалитетен тим. Можам да кажам дека МЗТ е институција. Имаат своја сала и армија навивачи, но се надевам дека нема да подлегнеме на атмосферата и дека ќе одиграме добро, истакна предводникот на Металац Владимир Ѓокиќ.
Натпреварот МЗТ Скопје Аеродром – Металац ќе се игра в понеделник од 20 часот и 30 минути во СЦ „Јане Сандански“ и е во рамките на 8.коло од Јадранската лига.