„Ако ВМРО-ДПМНЕ сака да спори за термините “загрозена демократија“, “неевропски вредности“, “непочитување на правото“, тогаш својата реакција нека ја упати до Брисел, бидејќи овие сериозни забелешки, се дел од последниот најдиректен и најкритички Извештај на Европската комисија за Македонија.
И за контролата на власта врз медиумите во Македонија, не зборува само СДСМ, туку најдиректно Европската комисија, како и ОБСЕ/ОДИХР во чијшто Извештај е констатирана пристрасност на најголем дел од медиумите кон власта и изедначено известување од еден неименуван извор.
Брзо ќе стане јасно дали можеби нарачаниот текст на главниот и одговорен уредник на најголем дел од медиумите во Македонија, Курир, има за цел да покрие нешто што Никола Груевски и неговите соработници, тајно, зад целата јавност во Македонија договараат во врска со прашањето за што има задача да спинува денеска Курир“, се вели во писмената реакција на СДСМ.
