Делегација на СДСМ, предводена од претседателот Зоран Заев престојува во неколкудневна посета на Швајцарија.
Денеска, во рамки на посетата, претседателот Заев оствари средба и со градоначалничката на општина Локарно, Карла Специали.
На средбата се разговараше за позитивната врска која нашите иселеници од Македонија ја имаат во градењето на пријателството помеѓу двете земји, Македонија и Швајцарија.
Заеднички беше оценето дека помошта којашто Швајцарија ја дава на Македонија, со години наназад, е исклучително значајна и во функција на развојот и демократизација на нашето општество.
Делегацијата на СДСМ оствари средби и со голем број иселеници од Македонија, кои работат во Локарно. Иселениците посочија дека неможноста да се обезбеди нормална живеачка и егзистенција ги натерало да ја напуштат Република Македонија.
Во организација на Партиската организација на СДСМ од дијаспората, утре, во Локарно, ќе се одржи трибина на тема “Иднината на Македонија”, на која ќе се обратат претседателот на СДСМ, Зоран Заев и генералниот секретар Оливер Спасовски.
На трибината ќе биде презентирана визијата на СДСМ за напредок на Република Македонија и враќање на државата во нормален колосек.