По повод денешниот празник 13 ноември, Денот на ослободувањето на главниот град, пред една недела доставивме писмено барање до директорката на основното училиште Стив Наумов, Елена Пенева, за положување цвеќе на бистата на Стив Наумов во населбата Автокоманда, вели Дејан Ристиќ, претседател на ОО СДСМ Гази Баба.
Од директорката Пенева категорично бевме одбиени со нелогично образложение дека не биле дозволиви партиски манифестации, иако нашата цел е одавање почит на херојот од НОБ како граѓани на Скопје.
Објаснивме дека петчлената делегација ќе положи цвеќе на споменикот без партиски обележја. Повторно бевме одбиени.
Ова го покажува непочитувањето на власта на ВМРО-ДПМНЕ кон борците од НОБ. Ако некој води политика со чествувањето на овој голем ден 13 Ноември тоа е оваа власт.
За нас однесувањето на директорката на ВМРО-ДПМНЕ е срамно и недозволиво.
Најавуваме дека вечерва во 18.30 часот ние граѓаните кои чувствуваме дека треба да се поклониме пред споменикот на Стив Наумов, тоа ќе го направиме.