Седум илјади евра штета и се нанесени на спортската обложувалница „Балкан бет“ лоцирана на улица „133“ во Тетово откако изминатата ноќ, во периодот од 22 до 9 часот, засега непознати сторители со употреба на тврд предмет, метална шипка или друго, извршиле оштетување во обложувалницата, информираше портпаролот на СВР Тетово Марјан Јосифовски.
Непознати сторители, според него, го скршиле стаклото од влезната врата, а потоа оштетиле три плазма телевизори со различни димензии и два монитори, од кои едниот полуксузен и поскап, како и еден дигитален рисивер.
– Потоа тие незабележани од никого заминале причинувајќи вкупна материјална штета која, според сопственикот на објектот В.И.(24) од Струга, се проценува на околу 7000 евра. Извршен е увид, фотодокументирани се оштетувањата, подигнати се траги за вештачење и се работи на откривање на сторителите, изјави Јосифовски.