Еврокомесарот за нови технологии Нели Крус ќе продолжи да дава поддршка за протестите во Унгарија против воведувањето давачки врз користењето интернет. Тоа на прес конференција го изјави Рајан Хијт, портпарол на Крус.
– Не станува збор за тоа дали воведувањето такви давачки е законско или не, тоа е дел од преземена од пред извесно време владина насока за ограничување на слободите, без да има цел подобрување на состојбата во економијата, нагласи портпаролот.
– Не е добро луѓето да бидат оттргнувани од интернет, се бориме за повеќе дигитализација, додаде тој.
– Секоја влада која ќе преземе такви чекори ќе искомпликува многу…Тоа е погрешен потег. Воведување финансиски бариери е само една од пречките за достап до интернет. Ако Унгарија воведе давачки, тоа ќе биде преседан и доколку и други такви случаи се појават во Европа, тоа лошо ќе се одрази врз економскиот раст, нагласи Хијт.