„Пред зградата на ЕЛЕМ власта ќе ја соочиме со вистината којашто сакаше да ја сокрие од јавноста.
Она што го говори СДСМ, дека се намалува производството и дека граѓаните и фирмите плаќаат поскапа струја од увоз, го потврдува и државната компанија МЕПСО“, изјави на денешната прес-конференција Васко Ковачевски, пратеник, СДСМ.
„Еве, погледнете што покажуваат податоците во Диспечерскиот извештај на МЕПСО:
– Во првите девет месеци од оваа година, произведени се 1.138 гигават часови (Gwh)помалку струја од планираното!
– Планирано било производство на 4.657 гигават часови струја а произведени се само 3.519.
– Наместо домашна произведена струја зголемен е увозот на електрична енергија за над 700гигават часови.
– Според овој Извештај планиран бил увоз на само 1.569 а увезени се 2.285 гигават часови. За само 9 месеци од оваа година.
– За овој период над 40% од вкупната струја е увезена а тоа го плаќаат граѓаните и фирмите.
Ова не се податоци на СДСМ, ова се официјални државни податоци.
Зарем сега државната ЕЛЕМ ќе ја демантира државната МЕПСО?
Факт е дека Македонија се помалку произведува, а се повеќе увезува струја.
Ако се земе во предвид откажувањето на Блок 1 во РЕК Битола, застојот во ХЕЦ Маврово и РЕК Осломеј, до крајот на годината овие податоци ќе бидат уште полоши.
За катастрофалните енергетски политики кои ги чинат граѓаните поскапа струја, од зголемен увоз и укината евтина тарифа дел од одговорните лица се во оваа зграда.
Останатите одговорни лица се во зградата на Илинденска ББ“, рече Ковачевски.