„За првите 6 месеци од 2014 година, увозот на струја во Македонија изнесува околу 40 проценти. Или, граѓаните на Македонија платиле околу 250 милиони евра за увезена струја!
ЕЛЕМ ја заврши 2013 година со рекордно ниско производство од 5100 GWh, што е незапамтено, а производството и во 2014 година е катастрофално и ќе биде приближно исто со претходните години.
Ако ВМРО-ДПМНЕ реализирале толку инвестиции, како се случуваат овие поразувачки бројки?
Катастрофалните енергетски политики на власта на Никола Груевски се одразуваат директно врз граѓаните, кои од кога Груевски и ВМРО-ДПМНЕ се на власт, немаат евтина тарифа на струјата и плаќаат повисоки сметки за струја за околу 75 проценти.
СДСМ дополнително прашува во кое својство зборуваше генералниот директор на ЕЛЕМ, Бошковски од партиската говорница на ВМРО-ДПМНЕ?
Прво, партијата ВМРО-ДПМНЕ, Владата и ЕЛЕМ не се сестрински компании.
Второ, Бошковски има менаџерски договор повеќе од една година, а денеска од Центарот за комуникации на ВМРО-ДПМНЕ зборуваше за 100 дена Влада“, се вели во реакцијата на СДСМ на на прес конференцијата на ВМРО-ДПМНЕ.