Двајца жители на Крива Паланка се приведени поради шверц на цигари. Кај нив се пронајдени 1520 кутии цигари со македонска заштитна маркица.
Триесет и петгодишниот М.С. и 34-годишниот Л.Ј. биле забележани во близина на граничниот премин Деве Баир како на грбот носат пакети покриени со шаторски крила, а во рацете по една транспортна војничка торба. На наредбата од полицијата се оглушиле и почнале да бегаат при што едниот од нив веднаш е фатен, а другиот после 200 метри го фрлил пакетот на земја и по неколку часа е фатен во месноста Самоков во правец на селото Дубровница.
Одземени се по 500 кутии цигари марка „57“, 250 кутии цигари „Трокадеро“ слим и 10 кутии цигари „Ева“ слим.
На двете лица им се издадени платни налози и покана за наплата на глоба.
