Директорот на Фондот за здравствено осигурување на Македонија Џемали Мехази учествува на 8. Балкански форум на јавно здравствено осигурување, што се одржува од денеска во Тирана, Албанија.
На собирот учествуваат директори на фондови за здравство и од Словенија, Хрватска, Србија, Босна и Херцеговина, Бугарија, Албанија, Косово, Хрватска, Република Српска, кои ќе имаат свои излагања поврзани со предностите и негативните апсекти на главните финансиски методи на здравствениот систем.
– Директорот Мехази има презентација на тема „финансирање на здравствените услуги од Фондот за здравствено осигурување на Македонија“, односно како системот на финансирање на здравствени услуги влијае на финансиската стабилност на Фондот за здравствено осигурување на Македонија, квалитетот на здравствените услуги и буџетот обезбеден од јавните здравствени установи, соопшти ФЗОМ.