Претседателот на ДУИ Али Ахмети денеска прими делегација од претставници на министерствата за надворешни работи на Холандија, Белгија и Луксембург.
На средбата Ахмети се заблагодарил за изразениот интерес околу политичките и општествените случувања во Македонија.
– Гостите беа заинтересирани околу евроатлантската интеграција на Македонија, решавањето на спорот со името, меѓуетничките односи, владеењето на правото, феноменот на учеството на поединци од Балканот и другите земји од Европа во конфликтите во Сирија и Ирак како и дипломатска кампања на претседателот Ахмети во САД и Европа, соопшти ДУИ по средбата.
Според соопштението, Ахмети се осврнал на значењето на евроатлантската интеграција на државата, меѓуетничките односи и ги претставил промените на Кривичниот Законик што предвидуваат санкции против иницијаторите за учество во странски конфликти и истакна дека екстремизмот од било кој вид нема место во нашето општество.
Претседателот на ДУИ на средбата го повторил повикот до опозицијата да се врати во Парламентот.