Вицепремиерот задолжен за европски прашања Фатмир Бесими денеска се сретна со новиот амбасадор на Република Албанија во Република Македонија Петрит Бушати.
– Соговорниците разговараа за одличната соработка која ја имаaт двете држави како и за последната посета на вицепремиерот Бесими во Албанија, каде се разгледаа можностите за зајакнување на досегашната соработка со поконкретни иницијативи во насока на размена на искуства и капацитети на неколку области како што се областа на евоинтеграцијата и ИПА фондовите, формирање и средби на работни групи на техничко ниво, воспоставување практика на регионална соработка со заеднички регионални иницијативи како и формализирање на оваа соработка со потпишување на Меморандум за Соработка, соопшти Кабинетот на вицепремиерот Бесими.
На состанокот било потенцирано дека Евроатлантската перспектива е клучна за стабилноста и развојот на регионот.
Вицепремиерот Бесими на средбата ја искористил можноста на амбасадорот Бушати да му го честита и добивањето статус на земја-кандидат за членство во Европската унија.