Лидерот на Демократската унија за интеграција, Али Ахмети, денеска во седиштето на партијата се сретна со новиот амбасадор на Полска во Македонија, Јацек Мултаноњски со кого разговарале за политичките случувања во земјата, евро-атлантската интеграција на Македонија и решавањето на прашањето за името.
Како што соопшти ДУИ, Ахмети му честита на амбасадорот Мултаноњски за именувањето на полскиот премиер, Доналд Туск, за претседател на Советот на Европа и изрази уверување дека новиот дух во Брисел ќе го интензивира политичкото вниманието на ЕУ кон Македонија и регионот.
Полскиот Амбасадор ја истакна поддршката на неговата земја за евро-атлантската интеграција на Македонија и охрабри за надминување на билатералните прашања кои ја попречуваат интеграцијата на земјата во НАТО и ЕУ.
Ахмети, се наведува, оцени дека Македонија ја има поканата за членство во НАТО уште од 2008 година, но за да се реши ова прашање, потребно е да се најде решение за спорот за името што е можно поскоро. Успехот на овој процес видливо ќе влијае во релаксација на меѓуетничките односи, одржливот мир, безбедноста и стабилноста, како и економскиот развој.
Ахмети и Полскиот Амбасадор разговараа и за меѓуетничките односи и за реформите кои се потребни за усогласување со европските стандарди, стои во сооштението.