Украинските сили се повлекоа денеска од главниот аеродром во Луганск, во источна Украина, откако претходно добија наредба да го сторат тоа, изјави портпатолот на украинската војска, Андриј Лисенко.
– Украинските сили во регионот на Луганск добија наредба и се повлекоа од аеродромот, истакна Лисенко.
Тој истакна дека во изминатите 24 часа загинале седуммина украински војници.
Претходно денеска беше соопштено дека украински војници се судриле со руски тенковски баталјон во Луганск, а дека руските воени единици се движат кон други големи градови во источна Украина.