Светската здравствена организација денеска соопшти дека бројот на жртвите од епидемијата на ебола во Западна Африка е 729. Нови 57 смртни случаи беа соопштени за периодот 24-27 јули во Гвинеја, Либерија, Нигерија и Сиера Леоне.
СЗО додава дека нигериските власти идентификувале досега 59 луѓе кои имале контакти со американски граѓанин кој почина во Лагос во минатата недела по патување од Либерија во Того и Гана.
Меѓународната асоцијација за воздушен транспорт (ИАТА) соопшти дека СЗО не препорачува ограничување на патувањата или затворање граници заради епидемијата од ебола и оти нема посебен ризик за останатите патници ако во авион има заразен човек.