Повлекувањето на еден кандидат од позиција, за која самостојно се пријавил, се борел да ја добие, по што бил селектиран и предложен, нема ништо со надворешните или внатрешните политики на Република Македонија, таа позиција многу наскоро ќе биде пополнета и Македонија нема никаква штета од тоа, реагира ВМРО-ДПМНЕ на прес-конференцијата на портпаролот на СДСМ, Петре Шилегов за дипломатските скандали во Македонија.
„Затоа пак, меѓународниот углед на Македонија е загрозен од неодговорното однесување на раководството на СДСМ. Очигледен е обидот на Зоран Заев и Петре Шилегов преку вакви и слични изјави да ја маскираат штетата која тие и ја прават на Република Македонија преку нивниот неодговорен однос и услугите кои им ги пружаат на тие кои го блокираат членството во НАТО“, се наведува во партиското соопштение.