Франција предлага Европската мисија за пограночна соработка да помогне во контролата на граничните премини меѓу Појасот Газа и Израел, изјави денеска францускиот министер за надворешни работи Лоран Фабиус.
– Европа, како што вчера му кажав на својот египетски колега, е подготвена да соработува, најмногу преку т.н. ЕУ мисија за погранично соработка, односно преку сили кои би можеле да ги контролираат граничните премини меѓу Газа и Израел, посочи Фабиус за радио „Франс култур“.
Како што јави ИТАР-ТАСС, во 2005 година ЕУ создаде мисија за давање погранична помош на граничниот премин Рафа меѓу Газа и Египет. Мисијата беше обновена во јуни 2007 година по изборната победа на Хамас во Газа.
– Арапските земји веќе го поддржаа овој предлог и сега е неопходно одобрението од петте постојани членки на Советот за безбедност на ОН, објасни министерот.
Според официјален Париз, оваа мисија може да помогне во постигнување на трајно примирје меѓу Израел и Палестинците.
Ова прашање може да биде отворено на денешната вонредна средба на европските лидери во Брисел.