МНР на Албанија: Не се мешаме во внатрешните работи на Македонија

Од:

Во врска со прoтестната нота упатена до Албанија поради изнесени ставови и изјави за насилните протести организирани во Македонија по донесување на пресудата во случајот „Монструм“, на македонскиот амбасадор во Тирана, Стојан Карајанов, во албанското Министерство за надворешени работи му било кажано дека ставот на Албанија е на иста линија со загриженоста искажана од  меѓународниот фактор.

Македонскиот амбасадор бил повикан во МНР за да му се искаже жалење за недоразбирањата околу упатените пораки преку изјавите на албанските функционери. При тоа, како што стои во соопштението за јавноста, на македонскиот амбасадор „му била повторена загриженоста  за насилствата за време на протестите“.

– Албанија  останува ангажирана и секогаш на систематски начин ги подржува сувернитетот и територијалниот интегритет на Македонија. На амбасадорот му нагласивме дека овие изјави не може да се сметаат за мешање во внатрешните работи на Македонија. Тие се природен израз на загриженост за создaдената ситуација и во истовреме се порака за воздржаност и изнаоѓање решение, стои во соопштението на албанското МНР.

Република Албанија, се додава во соопштението, е заинтересирана за изградба на добри меѓусоседски односи со Република Македонија, засновани на меѓусебно почитување, а  Албанците од Македонија не се само мост на соработка, туку значаен  државотворен фактор со значајна улога во стабилноста на Македонија и регионот.

Би можело да ве интересира

(ВИДЕО) Уапсен полицаец од Албанија осомничен за низа кривични дела

Горан Наумовски

Северна Македонија ѝ го предаде на Албанија претседавањето со ПСЈИЕ

A1on

Албанското обвинителство бара 93 години затвор за шверцери на кокаин

Албанците од Косово, Македонија и Црна Гора нема да полагаат познавање на албанскиот јазик при добивање државјанство

Тирана: Девојче на училиште е каснато од змија, итно е пренесено во болница

Нови детали од последните часови на несреќната Алма која со трите деца се удави во реката Бојана