СДСМ се обидува со популистички ставови да ги привлече симпатиите на наставниците, учениците и нивните родители. Но колку и да им е мачна оваа активност, тие знаат дека оваа реформа ВМРО-ДПМНЕ ја направи за нивно добро и тие тоа повеќе го ценат, отколку срамното додворување на СДСМ, реагира ВМРО-ДПМНЕ на соопштението на СДСМ, кој побара да се укине екстерното тестирање поради проблемите што им ги содзава на учениците и на родителите.
„Низ годините на транзицијата вредносните критериуми во образованието паднаа на најниски гранки, согласно вредносните критериуми на тогашното водство на СДСМ. Реалното знаење отиде во втор план и стана неважно, иако тоа е темелот на сите понатамошни успеси. Создавањето работни навики кај младите се замени со бркање врски, ургенции и притисоци врз наставниците да им пишуваат петки на учениците. Тоа стана вредносен критериум. Кој е повешт во тоа, кој има побогат или помоќен родител и слично. Отсуството на знаење и навиката по заобиколен пат да се дојде до некаков успех беше и се уште е основниот критериум на вредност на СДСМ. ВМРО-ДПМНЕ не ја прифаќа оваа транзициска и губитничка филозофија“, пишува во соопштението на ВМРО-ДПМНЕ, каде се додава дека сакаат генерации со знаење и креативност, луѓе со работни навики и навики цел живот да го надоградуваат своето знаење.