Прославениот таен агент на Нејзиното височество со филмовите за Џејмс Бонд, одликуван од британската кралица и ја носи титулата сер, актерот Шон Конери е најсилниот поддржувач на идејата за независка Шкотска.
Тој редовно агитира за нејзиното отцепување од Обединетото кралство, донира финансиски сретства за шкотската националистичка партија, помогајќи ја посебно на сите избори за парламентот во Единбург.
Тој прв го потпиша „предлогот за независност“ со кој започна кампањата на сепаратистистичката партија СНП за референдумот за независност. За Конери почетокот на оваа кампања е „историски ден“.
Независноста на Шкотска ја поддржува и голем број на познати холивудски ѕвезди со шкотско потекло или роднинска поврзаност, меѓу кои Брајан Кокс, познат по улогите во филмовите „Борновиот идентитет” и „Х мен 2“, Ален Каминг, од филмот „Х мен 2“ и „Очи широко отворени“.
Првиот министер на Шкотска и лидер на СНП, Алекс Салмонд, е задоволен од поддршката на холивудските ѕвезди и изјави дека е „убеден во победата на референдумот“.
Последното истражуванје на агенцијата „Југав“ покажува дека само 33 проценти од Шкотланѓаните сакаат Шкотска да се отцепи од Велика Британија.