Пожарот кој вчера избувна на албанска територија, се прошири и во Македонија во близина на селото Бањиште, јави дописникот на Макфакс. Станува збор за пожар на планината Крчин, кој на македонска територија е на над 100 хектари.
Претежно горат стрништа и сува трева.
Постои опасност пожарот да зафати и шумски површини.
Противпожарната екипа од Дебар заедно со вработени во ЈП „Македонски шуми“ Дебар се на терен и се обидуваат да го пресечат пожарот копајќи канали.
Засега нема информации дали пожарот се гаси од албанска страна од каде што избувна, велат преставниците на дебарската противпожарна служба, јави Макфакс .