Вашингтон го осуди „непредизвиканото насилство“ против демонстрантите за време на минатонеделните посети на турските официјални претставници во градот Сома по трагичниот инцидент во рудникот, при што загинаа 301 рудар, обајви денеска „Хуриет дејли њуз“.
– Видовме различни видео-снимки. Го осудуваме насилството врз демонстрантите и апелираме за одговорност во согласност со законите во Турција, изјави вчера портпаролот на Стејт департментот Џенифер Псаки.
Таа посочи дека САД се подготвени да и помогнат на Турција, но оти Анкара не испратила барање за помош.