Повторно се разгоре пожар кај Богданци. Според информациите на Центарот за управување со кризи во земјава е регистриран еден активен пожар кај местото Селемлија, општина Богданци и се шири кон тешко пристапен шумски терен.
Од пожарот зафатена е деградирана нискостеблеста шума и сува трева, а на негово гаснење интервенираат екипи ДППД Богданци и Шумско стопанство „Кожуф“ – Гевгелија.
По интревенциите на екипите за справување со пожари на отворен простор и шумска површина, како и поради врнежите од дождот, во текот на вчерашниот ден и утринските часови се локализирани или изгаснати пожарот во НП „Јасен“, кај месноста „Дуња“ и во атарот на „Црн Врв“, пожарот на врвот „Љуботен“, пожарот кај село Селце – Вејце, пожарот кај Бунец – Маврово, пожарот на планината Бистра кај местото викано Голем Брезовец; пожарот во атарот на село Орќуше, потоа пожарот во атарот на село Добровени, пожарот на планината Кожув кај местото викано Оков Рид, како и пожарот на планината Сува Гора во атарот на Волче.