Над 3.000 кинески граѓани се евакуирани од Виетнам заради антикинеските протести во таа држава, соопшти кинеското МНР. Кинеските власти обезбедиле четири чартер-летови како и брод за да ги евакуираат своите сограѓани.
Министерството за транспорт за денеска најави испраќање на уште пет бродови за евакуација.
Антикинеските протести беа организирани во индустриски зони во Виетнам. Во нив учествуваа работници во кинески компании кои протестираа против засилените кинески претензии кон спорни делови во Јужнокинеското Море. Во почетокот на мај Пекинг инсталираше нафтена платформа и почна со работа во предел кој се смета дека е економска зона на Виетнам.
Во немирите досега загинаа двајца кинески граѓани и над 100 се повредени.