Пропадна надежта на екс лидерот на Српската напредна странка на Македонија, Драгиша Милњтиќ, дека ќе седне во пратеничките клупи, наместо носителот на пратеничката листа на ГРОМ во оваа единица, Чедомир Саздовски.
Милетиќ велеше дека според договорот кој го имал со претседател на ГРОМ, Стевчо Јакимовски, Саздовски по изборите требало да се повлече, и тој како втор на листата да влезе во Собрание.
Чедомир Саздовски денеска беше дел од оние пратеници кои заедно со ВМРО-ДПМНЕ лично ги примија уверенијата за пратеник од Државната изборна комисија.
По верификација на мандатите од собраниската комисија на конститутивната седница на новиот парламентарен состав, Саздовски и официјално станува народен избраник.
ГРОМ на изборите освои еден пратеник. Драгиша Милетиќ како пратеник во претходниот состав влезе на листата на опозицијата предводена од СДСМ.
Пред локалните избори се договори со Стевче Јакимовски и му го даде печатот за да може Јакимовски како кандидат на СНС да стане градоначалник на Карпош.