Од денеска ќе почне период на постабилно и посончево време. Преодно наоблачување со краткотраен пороен дожд ќе има во четврток, претежно во западните и северните делови од земјата. Утринските и дневните температури до четврток ќе бидат во пораст, а потоа ќе се задржат на достигнатото ниво.
Времето денеска ќе биде променливо облачно со сончеви периоди. Во централните делови со повеќе сонце, а во крајните западни и источни делови ќе има услови за појава на краткотраен локален дожд. Ќе дува слаб ветер од југоисточен правец.
Температурата од девет до 21 степени.
Во Скопје променливо облачно со сончеви периоди. Ќе дува слаб ветер од југоисточен правец. Температурата до 17 степени.