Најмалку 62 лица загинаа во жестоки судири меѓу ривалски бунтовнички исламистички групи во источниот дел на Сирија, а десетина илјади луѓе се принудени да ги напуштат своите домови изминатите неколку дена, соопштија денеска опозициски активисти.
Бунтовници од групата Исламистичка држава Ирак и Левант, која се оддели од Ал Каеда, и припадници на Нусра Фронт, кои се поврзани со Ал Каеда, се борат едни против други со месеци околу територии што претходно заедно ги заземаа од силите лојални на претседателот Башар ал Асад.
Изминатите четири дена загинаа 62 бунтовнии, соопшти сириската опозициска Опсерваторија за човекови права, со седиште во Лондон, во провинцијата Деир ел Зур во близина на границата со Ирак.