Своевремено Коко Шанел и Кристијан Диор си беа најголеми конкуренти во модниот свет, а серијата „Нов изглед“ која ќе излезе во февруари ни дава сосема нова перспектива на односот меѓу овие две икони.
Приказната се случува паралелно со Втората светска војна и ја опфаќа приказната за основањето на самостојниот бренд на Кристијан Диор, кој во тоа време го носеше истото име како и дизајнерот, а денес е познат само како „Диор“.
Првата колекција на Диор се викала „Новиот изглед“, а продуцентот Тод А. Каслер открива дека приказната ги следи почетоците на овој бренд, но и ривалството со Коко Шанел. Соперништвото меѓу овие две модни икони не била само на пистите – Коко била оперативец на нацистичките служби, додека сестрата на Диор била мачена во еден логор поради нејзината активност во францускиот отпор.
Во улогата на Диор ќе го гледаме Бен Менделсон, додека Шанел ќе ја глуми Жулет Бинош.