Ако бидат нападнати руските интереси во Украина тогаш Москва ќе одговори на истиот начин како во Грузија во 2008 година, кога испрати тенкови во кавкаската земја, изјави денеска шефот на руската дипломатија Сергеј Лавров.
Тој во интервју за руската телевизија на англиски јазик „Раша тудеј“ посочи дека Русија со сигурност би одговорила ако биде нападната.
– Ако бидат нападнати нашите интереси, нашите легални интереси, интересите на Русите бидат директно нападнати, како на пример што беа нападнати во Јужна Остеија, не гледам друг начин освен да одговориме во согласност со меѓународното право, наведе Лавров.