Премиерот Никола Груевски, по повод Христијанскиот празник – Велигден, упати честитка до претседателот на Евангелистичко-методистичката црква во Република Македонија, Емил Заев и до сите верници на Евангелистичко-методистичката црква во Република Македонија.
– Денот на Христовото воскресение е најзначајниот ден за верниците. Она што за луѓето беше незамисливо, неможно и далечно, со Христовото воскресение постана блиско и сеприсутно. Со тој чин, Бог покажа најголема жртва и љубов кон човекот.
Токму затоа, да се поклониме на неговата милост, да продолжиме да го одиме патот зацртан од Бога и да ги празнуваме Божјата волја, добрина и човекољубие.
Честитајќи Ви го овој голем ден, Вам и на сите верници Ви посакувам време исполнето со разбирање, милосрдие и благослов во секој дом. Нека ни е честит и за многу години, големиот христијански празник Велигден, стои во честитката од премиерот Груевски.