Кандидатот за претседател на ВМРО-ДПМНЕ Ѓорге Иванов денеска, заедно со премиерот Никола Груевски, ја посети Македонска Каменица каде по повод Велики Петок, во црквата „Успение на Пресвета Богородица“, присуствуваше на бдението со пеење статии – Оплакување Христово.
На христијанските верници, претседателот Иванов им посака претстојните Велигденски празници да ги поминат во спокојство, мир, радост и семејна хармонија.
Во рамки на посетата, Иванов оствари средба и со младите од Македонска Каменица.
Беа разменети мислења околу севкупните предизвици со кои се соочуваат при образованието и вработувањето. Младите се осврнаа на перспективите и можностите кои ги нуди државата, а претседателот Иванов ги истакна своите заложби за обезбедување сигурна и економски стабилна иднина за младите генерации, како и за унапредување и создавање квалитетно образование. Младите од Македонска Каменица ја поздравија неговата досегашната посветеност на студентите и воопшто на младите генерации во Република Македонија.
