„Република Македонија се соочува со катастрофални состојби во буквално сите сфери од општественото живеење. Стандардот на граѓаните од ден во ден се повеќе оди надолу. Невработеноста и сиромаштијата се на рекордно високо ново, стопанството се гуши во неликвидност, индустриското производство опаѓа, бројот на фирми со блокирани сметки станува се поголем“ стои во соопштението на СДСМ.
„Крени глас за иднината“ ги собра граѓаните на Струмица, Велес, Штип, Куманово, Прилеп, Крива Паланка, Богданци, Неготино, Охрид и Крушево да ги наполнат плоштадите и да го кренат својот глас. Велат, сликите вредат милион зборови. Јавноста виде оти народот нè поддржува, велат од СДСМ.
„Ако централната власт ги заборава граѓаните, ние ќе делуваме локално, заедно со граѓаните, ќе понудиме подобри решенија, нова иднина. Преку предлозите кои ќе ги добиемe од граѓаните, понудените решенија кои граѓаните ќе ги одобрат, преку нивните забелешки ќе се исцрта програмата на СДСМ за наредните локални избори“, стои во повикот за вечерашниот митинг во Ресен , кој ќе започне во 20 часот и 30 минути.
На митингот че биде претставен кандидатот за градоначалник на Ресен, д-р Јордан Проевски.
