Напаѓачот, 24-годишниот Михал О., кој во саботата изврши напад на Главниот плоштад во Краков – при што загинаа шест лица, а 16 беа ранети – се наоѓа во критична состојба, соопшти војводата на Малополското војводство, Кшиштоф Кленчар.
Тој изјави дека 16-те повредени лица се згрижени во шест болници низ Краков, при што 14 од нив се во стабилна состојба.
Меѓу тешко повредените има и двајца полицајци кои учествувале во апсењето на напаѓачот. На двајцата им била потребна реанимација и тие остануваат под медицински надзор; еден од нив е сè уште во тешка состојба.
Кленчар го потврди и идентитетот на шестата жртва – 51-годишен австриски државјанин. Претходно беше објавено дека меѓу жртвите имало четворица полски државјани и еден британски државјанин.
Војводата на Малополското војводство изјави дека полицајците не примаат посетители и дека добиваат интензивна медицинска нега.