Најмалку осум лица се убиени со ловечка пушка на три одделни локации во селата Ајазини и Кијир, во округот Ихсаније; напаѓачот е во бегство и во тек е интензивна потрага по него, објавија турските медиуми.
Напаѓачот употребил ловечка пушка за да убие пет лица во два автомобила во округот Ихсаније, како и уште три лица на друга локација.
„Во селото Јукаритандр, три жени беа убиени со ловечка пушка. Потоа напаѓачот побегнал со црвено возило, убил три лица во селото Ајазини – исто така во автомобил – и повторно побегнал. Уште две лица убил во селото Кијир. Тој сè уште е на слобода“, пренесува информативниот портал „Јени Шафак“ (Yeni Şafak).
Полицијата ги блокираше сите патишта што водат кон областите каде што се случија убиствата.
