Два воза се судрија денеска во Шпанија, при што загинаа најмалку десет лица, пренесува Си-Ен-Ен (CNN). Сообраќајот на линијата што го поврзува Мадрид со регионот Андалузија е во прекин потврди железничкиот оператор „Адиф“ (Adif).
Accidente ferroviario en la línea de alta velocidad entre Los Yébenes y Urda.
#renfe #adif #accidente https://t.co/KdQys8zSkp— demofake (@freeactas) October 28, 2026
„Сообраќајот на брзата железничка линија Мадрид – Андалузија е во прекин по судирот на два воза“, соопштија шпанските железнички власти на платформата „Икс“ (X).
Шпанскиот весник „Ел Паис“ (El País) пренесува дека, според сведоци, има голем број повредени, а екипите за итни интервенции се веќе на терен.
Од истиот извор наведуваат дека два вагони излетале од шините и се лизнале по насипот. Според „Ел Паис“, несреќата се случила нешто по 9:00 часот по локално време.
Судирот се случил на делницата помеѓу градовите Лос Јебенес и Урда, во покраината Толедо.