Бројот на повредени во судирот меѓу патнички автомобил и автобус во Шпанија се зголеми на 83, од кои седуммина се во тешка состојба, јави шпанскиот јавен сервис РТВЕ. Повредените во тешка состојба итно се пренесени во болница. Во спасувачката операција учествуваа и противпожарните служби, кои испратија 30 екипи, меѓу кои и две специјализирани за спасување во планински предели.
🔴📹 #VÍDEO Imatges del rescat amb @bomberscat al Montseny, a la zona de Santa Fe. Els @Mossos investiguen l’accident. Hi anaven 60 persones, unes 40 lleus i alguns greus. @semgencat valora resta d’afectats. @elcasocat https://t.co/jCUyihmu5W
— Guillem Ramos-Salvat (@ramossalvat) October 25, 2026
Несреќата се случи кога автобус и патнички автомобил се судрија, по што возилата се превртеа и паднаа по насип висок околу 20 метри. Инцидентот се случи на пат што минува низ населбата Фогарс де Монтклус, во регионот на Барселона. Дел од патниците успеаа самостојно да излезат од возилата и да се искачат по насипот до патот. Други, пак, останаа заробени и мораа да бидат извлечени со помош на спасувачките екипи.