Хуманитарната ситуација во Олешки, во Херсонската област, е исклучително тешка и се наоѓа на работ на хуманитарна катастрофа, изјави украинскиот министер за надворешни работи Андриј Сибиха.
Според него, во Олешки речиси и да нема храна, а има извештаи дека дел од цивилите се принудени да преживуваат така што јадат трева и плевел.
Ситуацијата дополнително ја отежнува сè потешкиот пристап до лекови, чиста вода, електрична енергија и медицинска помош. Меѓу луѓето кои живеат во такви услови има и деца.
Сибиха ги повика Обединетите нации, Меѓународниот комитет на Црвениот крст и другите меѓународни организации да ги искористат своите капацитети за да овозможат доставување хуманитарна помош и безбедна евакуација на жителите кои сакаат да го напуштат градот.
„Луѓето таму не можат да преживеат од изјави на загриженост. Хуманитарниот пристап и безбедната евакуација мора да станат реалност, бидејќи секој ден е важен“, порача Сибиха.
NEW FOOTAGE FROM OLESHKY
Autumn 2026.
Local residents ride bicycles back from Radensk with food, risking their lives just to feed their families.
Up to 1,500 people remain in Oleshky, including around 40 children. Another 4,000 remain in surrounding villages, including roughly… pic.twitter.com/0ue2gTBwUF
— UAVoyager🇺🇦 (@CrimeanVoyager) September 26, 2026
Сибиха ја припиша одговорноста за хуманитарната катастрофа на Русија, која го контролира Олешки.
Украинскиот совет на цркви и верски организации на 19 септември предупреди дека градот се наоѓа на работ на хуманитарна катастрофа.
Според наводите на Советот, последните испораки на храна во Олешки пристигнале кон крајот на мај.
Проценките укажуваат дека во градот и околината сè уште се наоѓаат повеќе од 6.000 луѓе, меѓу кои околу 200 деца.
Ситуацијата дополнително се влошува поради недостигот на основни животни потреби, додека пристапот до здравствена заштита и другите клучни услуги станува сè поограничен.