Шпанската полиција за разбивање демонстрации денеска испука гумени куршуми во воздух и удираше луѓе со пендреци, на почетокот на операцијата за отстранување на илјадници мигранти од плажите во шпанската северноафриканска енклава Сеута и нивно преместување во привремено сместување.
Операцијата за отстранување на мигрантите од плажите започна утрово, нешто пред 7 часот по локално време, а во неа учествуваа полицијата за разбивање демонстрации и шпанската војска.
Мигрантите, кои ја поминале ноќта на плажата надевајќи се дека ќе добијат место во привремено засолниште, во почетокот аплаудирале додека колоната се движела, но подоцна дошло до турканици и метеж додека се бореле за ограничениот број слободни места.
🇪🇸🇲🇦 | La Policía desbordada en Ceuta ante la avalancha de invasores de hoy.
Seguir: @elalcazar_es pic.twitter.com/NmGKjOrOYq
— El Alcázar (@elalcazar_es) September 18, 2026
Снимките на државниот емитер ТВЕ прикажуваат гужва и туркање додека луѓето се обидувале да влезат на предвидената траса на движење.
Полицијата испукала гумени куршуми во воздух и удрила неколку мигранти со пендреци, по што ситуацијата се смирила и операцијата продолжила.
Подоцнежните снимки главно прикажуваат возрасни мажи како ги носат своите работи и се движат во мали групи, под полициска придружба, по траса долга нешто повеќе од еден километар, од плажата Ел Трампoлин до пристаништето.
Поголемиот дел од мигрантите го сочинуваат мажи и момчиња.
Привременото сместување е изградено исклучиво за возрасни мажи, па малолетниците се одвојуваат и се сместуваат на посебни локации.
Претставници на три невладини организации изјавиле дека властите биле премногу бавни во обезбедувањето на минимално сместување за мигрантите, што претставува обврска според Европскиот пакт за миграции. Тие додаваат дека прифатните центри што досега се отворени не можат да ги примат сите оние кои и понатаму спијат на улиците.
🚨🇪🇸Ceuta, Spain – last night. pic.twitter.com/qtcSZTdG9a
— Mario ZNA (@MarioBojic) September 18, 2026
Една невладина организација проценила дека околу 4.000 мигранти и понатаму престојуваат на отворено, на плажите и тротоарите во Сеута.
Шпанија проценува дека на оваа мала територија и понатаму престојуваат околу 10.000 мигранти.
Повеќе од 72.000 луѓе преминале во енклавата од Мароко кон крајот на јули во невиден миграциски бран, иако повеќето од нив подоцна ја напуштиле територијата.
Властите изградија ново привремено сместување во пристаништето на енклавата, со капацитет за 1.700 луѓе.
Невладините организации наведуваат дека илјадници луѓе и понатаму немаат сместување и спијат на отворено, во кампови.
Двајца претставници на невладини организации изјавиле дека официјалните лица веројатно очекуваат „поголемиот дел од мигрантите доброволно да се вратат во Мароко“.