Севернокорејскиот лидер Ким Џонг Ун изјави дека новиот разурнувач „Канг Кон“ ќе биде дел од системот на земјата за нуклеарен одговор, способен за „разорни возвратни удари“, објави државната новинска агенција KCNA.
🇰🇵🪖 Corea del Norte pone en funcionamiento el nuevo destructor Kang Kon
🛥 Kim Jong-un anunció la puesta en servicio del segundo destructor de la clase Choe Hyon, declarando que el buque de nueva generación debe asestar “un golpe de represalia letal a los enemigos” como parte… pic.twitter.com/Rf1iGwCiG1
— Sputnik Mundo (@SputnikMundo) September 7, 2026
Ким ги даде овие изјави за време на воведувањето на бродот во морнарицата во пристаништето Вонсан, истакнувајќи дека неговото распоредување во морето источно од Корејскиот Полуостров ќе испрати јасна порака до противниците.
Разурнувачот од класата од 5.000 тони е вториот брод од таа класа во севернокорејската морнарица, пренесува Танјуг.
KCNA не соопшти дали „Канг Кон“ носи нуклеарно оружје, но наведе дека тој ги поседува истите системи за вооружување како и разурнувачот „Чое Хјун“, за кој аналитичарите тврдат дека може да носи ракети со нуклеарни боеви глави.
Ким најави дека Северна Кореја за осум месеци ќе започне нова фаза во развојот на морнарицата, како и дека е во тек изградба на поморски бази на источниот брег и на нови воени бродови.
Во меѓувреме, Јужна Кореја, САД и Јапонија денеска ја започнаа заедничката воена вежба „Freedom Edge“ во меѓународните води јужно од островот Џеџу, пренесе Ројтерс.
Како што соопшти Здружениот генералштаб на јужнокорејските сили, целта на вежбата е зајакнување на капацитетите за одговор на севернокорејските нуклеарни и ракетни закани.