Трилатерален состанок на претседателите на Русија, Кина и САД, Владимир Путин, Си Џинпинг и Доналд Трамп, не е исклучен, но засега нема конкретни подготовки за таков состанок, изјави заменик-министерот за надворешни работи на Русија, Сергеј Рјабков.
– Идејата постои, меѓу другото, таа е јавно изнесена. Би било претерување да се каже дека влегува во подготвителна фаза, изјави Рјабков за ТАСС, одговарајќи на прашање за евентуален состанок.
Тој додаде дека многу ќе зависи од тоа како ќе се дефинира содржината на таков состанок и што ќе се очекува од него.
„Сепак, јасно е дека форматите, особено на највисоко ниво, се многу значајни сами по себе и испраќаат потребни сигнали“, рече Рјабков.
Тој истакна дека трилатерален формат со учество на лидерите на Русија, Кина и САД досега не е практикуван.