Опозициската партија реагираше на начинот на кој било прикажано македонското знаме на официјалната државна прослава по повод 35 години од независноста, обвинувајќи ја Владата предводена од Христијан Мицкоски за пропуст и непочитување на државниот симбол.
Од партијата велат дека е „срамно и понижувачки“ што, како што тврдат, и покрај големите средства потрошени за организацијата на прославата, било погрешно прикажано македонското знаме.
„Милиони евра народни пари троши Владата на Мицкоски, а не успеа ниту македонското знаме да го направи како што треба“, се наведува во реакцијата.
Опозицијата побара од Владата да објасни која компанија била ангажирана за организацијата, кој бил задолжен за сценографијата и визуелниот идентитет и колку средства биле потрошени за прославата.
Од партијата, исто така, побараа да се утврди одговорност за, како што го оценија, пропустот со прикажувањето на македонскиот државен симбол.