Десет лица се повредени во експлозија на гас на фестивалот Таубертал во Франконија, во германската покраина Баварија, објавува „Шпигел“.
Осум од повредените, на возраст меѓу 21 и 26 години, се однесени во болница, соопшти полицијата во Ротенбург об дер Таубер во округот Ансбах.
Ниедна од повредите не е опасна по живот.
Според полицијата, 26-годишен маж користел шпорет за кампување во фестивалскиот камп.
Истекувањето на гас најверојатно е предизвикано од неправилно ракување. Потоа гасот се запалил и предизвикал експлозија, при што вкупно десет лица се повредени.
Музичкиот фестивал Таубертал го слави својот 30-годишен јубилеј овој викенд со настапи на околу 40 познати бендови.
Организаторите изјавија дека оваа година се очекува околу 15.000 посетители да го посетат природниот резерват каде што се одржува фестивалот.