Руските сили извршија напад во текот на ноќта врз фабрика во Киев која произведува компоненти за ракетите „Фламинго“, соопшти денес руското Министерство за одбрана.
– Погодено е претпријатието „Киев-111“, кое произведува компоненти и боеви глави за крстосувачките ракети „ФП-5 Фламинго“ кои се лансираат од копно. Објектот складира компоненти за производство на засилувачи на цврсто гориво, објави РИА „Новости“.
Руските воздухопловни сили наводно го погодиле и складиштето за гориво и мазива „Киев-3“, кое снабдува нафтени деривати со диспечерска станица на железничката пруга Новоград-Волински.
Покрај тоа, два брода со сув товар што доставувале оружје и воена опрема до украинските пристаништа биле погодени од беспилотни летала додека пловеле во морето јужно и источно од Одеса, соопшти агенцијата, според Танјуг.
Шефот на Киевската регионална државна администрација, Тимур Ткаченко, објави дека три лица, меѓу кои и едно дете, се убиени, а три други се повредени во руски напад со беспилотни летала врз Броварскиот округ во Киевската област.