Кина до Јапонија: Не си играјте со оган

Од:

Кина денеска упати остро предупредување до Јапонија, повикувајќи го Токио да ги почитува ставовите на сопствените граѓани, да ги исполни меѓународните обврски и да се откаже од, како што наведе Пекинг, „играњето со оган“ кога станува збор за нуклеарното оружје.

Портпаролот на кинеското Министерство за надворешни работи, Лин Џијен, реагираше по објавувањето на анкета според која 76 отсто од Јапонците ги поддржуваат трите ненуклеарни принципи – Јапонија да не произведува, да не поседува и да не дозволува распоредување нуклеарно оружје на својата територија.

Истражувањето покажува и дека 77 отсто од испитаниците се против воведување модел на „нуклеарно споделување“, односно распоредување американско нуклеарно оружје во Јапонија.

Од Пекинг порачаа дека јапонските власти треба да ја почитуваат волјата на граѓаните и да останат доследни на своите меѓународни обврски поврзани со непролиферацијата на нуклеарното оружје.

Изјавата доаѓа откако јапонската влада го објави новиот извештај за одбраната, во кој Кина е означена како најголем стратешки предизвик за земјата. Во документот се наведува дека Јапонија треба да ги зајакне своите одбранбени капацитети и да се прилагоди на современите форми на војување, вклучувајќи дронови и вештачка интелигенција.

Би можело да ве интересира

Песков: Русија нема претерано високи очекувања од трилатералната средба во Кина

(ВИДЕО) Трамп пристигна во Кина, Си Џинпинг го пречека на аеродромот

А1он

Трамп: САД ќе ја достигнат Кина во производството на ретки земјени метали за 10 месеци

Европа договори преговарачки тим за Украина: Пет земји и институциите на ЕУ ќе разговараат со Русија и САД

Кина ја контролира трката за критични минерали – Британија предупредува на сериозен ризик за економската безбедност

ВИДЕО: Силен земјотрес во Јапонија, десетици повредени