Пожарот што избувна во Толедо во среда попладне се прошири на поширокото подрачје на Мадрид, што ја поттикна Агенцијата за безбедност и вонредни состојби на Мадрид (ASEM112) да испрати предупредувачки пораки до граѓаните преку системот ES-Alert.
Spain is on Fire now? Don't win the Cup…
SPAIN 🇪🇸 Wildfire scorches 26,000 hectares (65,000 acres) north of Madrid. pic.twitter.com/BfUts2u1bx
— ❤️🔥ZeroSympathy❤️🔥 (@ZeroSympathy76) July 20, 2026
Во пораката се наведува дека поради развојот на шумски пожар во општината Толедо Алмороканс (2.569 жители), населбата Ел Енсинар дел Алберче со околу 1.200 жители е евакуирана, а во општината Вила дел Прадо (7.743 жители) на територијата на Мадрид е издаден полициски час, објавува „Ел Паис“.
Од граѓаните е побарано да останат во затворен простор до понатамошно известување, со затворени врати и прозорци. Оперативната ситуација 2 е активирана во поширокото подрачје на Мадрид како дел од планот за шумски пожари, кој се прогласува кога пожар се заканува на урбаните области.
600 pompiers et militaires ont été mobilisés pour venir à bout de ce feu complexe qui s’est déclenché le 16 juillet dans une zone aride, à une centaine de kilomètres au nord de Madrid. pic.twitter.com/cJ3hIrfmSm
— franceinfo (@franceinfo) July 22, 2026
Ова вклучува полициски час или присилна евакуација, мобилизација на државни ресурси како што е Воената единица за вонредни состојби и активирање на системот за масовно предупредување.
19 копнени и воздушни возила од Противпожарната служба, шумски пожарникари и шумски чувари од Мадрид веќе се распоредени во зоната на пожарот, а сообраќајот е прекинат на патот М-507 кон Навалкарнеро.
Властите соопштија дека пожарот во покраината Толедо започнал во урбаните средини и во шумските области под борови шуми.